main jise oDhta bichhata hun

main jise odhta bichhata hun
wo ghazal aap ko sunata hun
ek jangal hai teri aankhon mein
main jahan rah bhul jata hun


tu kisi rail si guzarti hai
main kisi pul sa thartharaata hun
har taraf e'tiraaz hota hai
main agar raushni mein aata hun


ek bazu ukhad gaya jab se
aur ziyaada wazan uthata hun
main tujhe bhulne ki koshish mein
aaj kitne qarib pata hun


kaun ye fasla nibhaega
main farishta hun sach batata hun