گیت شاعری

زندگی بھر نہیں بھولے گی وہ برسات کی رات
ایک انجان حسینہ سے ملاقات کی رات
ہائے وہ ریشمیں زلفوں سے برستا پانی
پھول سے گالوں پہ رکنے کو ترستا پانی


دل میں طوفان اٹھائے ہوئے جذبات کی رات
زندگی بھر نہیں بھولے گی وہ برسات کی رات
ڈر کے بجلی سے اچانک وہ لپٹنا اس کا
اور پھر شرم سے بل کھا کے سمٹنا اس کا


کبھی دیکھی نہ سنی ایسی طلسمات کی رات
زندگی بھر نہیں بھولے گی وہ برسات کی رات
سرخ آنچل کو دبا کر جو نچوڑا اس نے
دل پہ جلتا ہوا اک تیرا سا چھوڑا اس نے


آگ پانی میں لگاتے ہوئے حالات کی رات
زندگی بھر نہیں بھولے گی وہ برسات کی رات
میرے نغموں میں جو بستی ہے وہ تصویر تھی وہ
نوجوانی کے حسیں خواب کی تعبیر تھی وہ


آسمانوں سے اتر آئی تھی جو رات کی رات
زندگی بھر نہیں بھولے گی وہ برسات کی رات

وہ پہلا پہلا تارا
فلک سے پکارا
کہ دن ہوا آخر
اجالا ہے مسافر


اب آیا اندھیارا
وہ پہلا پہلا تارا
وہ تارا نیند کا پیغام
راحت کی خبر لایا


وہ ساری رات جاگے گا
ہمارا بن کے رکھوالا
بکھیرے اجیارا
بجا کے اکتارا


وہ لوری سنائے
وہ ہم کو سلائے
سلائے جگ سارا
وہ پہلا پہلا تارا


یہ سورج چاند تارے یہ ہوا یہ پھول یہ پتے
یہ سب پیغام دیتے ہیں مگر ہم سن نہیں سکتے
یہ پیار سکھائیں
یہ راہ دکھائیں


یہ ہم کو سکھائیں
کہ بنتے ہیں کیسے
دلوں کا سہارا
یہ پہلا پہلا تارا

بہتی ہے پروا متوالی
جھوم رہی ہے ڈالی ڈالی
ڈال رہا ہے سورج ڈورے
جھلک رہے ہیں تال کٹورے


جھوم رہی ہے ڈالی ڈالی
بہتی ہے پروا متوالی
بنسی کوئی بجاتا بن میں
دوڑ رہی بجلی جیون میں


جس کو دیکھو وہ مسکائے
پڑا ہوا جیسے کچھ پائے
راگ سنائے کوئل کالی
جھوم رہی ہے ڈالی ڈالی


بہتی ہے پروا متوالی

یہ ہنستی گاتی کلیاں اور پھول یہ پیارے پیارے
یہ ننھے ننھے تارے ہیں سارے دوست ہمارے
ہیں سارے دوست ہمارے
آؤ مل کر ہم کھیلیں دکھ غیروں کے سب لے لیں


خوشیاں ہر سو پھیلا کر کہلائیں راج دلارے
ہیں سارے دوست ہمارے
بانٹ کے سکھ سارے جگ میں راحت ہم پائیں
کرنوں سے اجیارا کر دیں اس دھرتی کے تارے


ہیں سارے دوست ہمارے
دنیا میں ہیں جتنے انساں سب سے پیار کریں ہم
خوشیاں بھی ہیں ایک ہماری غم بھی سانجھے
ہیں سارے دوست ہمارے

آؤ سکھی برسات منائیں
سندر ہے آکاش کی رنگت
مینہ سے دھل کر نکھری صورت
دھنش کمان کھنچی ہے کیسی


رنگ رنگیلی پیاری سجیلی
ہم بھی اپنا رنگ جمائیں
آؤ سکھی برسات منائیں
سات رنگوں کی رانی نکلی


پی کر مینہ کا پانی نکلی
ناچ رہی ہے رنگوں کی ملکہ
اوڑھے ہے ست رنگ چندریا
برکھا رانی کے گن گائیں


آؤ سکھی برسات منائیں

تیری نرالی شان
او پیارے بھگوان او پیارے بھگوان
جلوے تیرے چھائے چمن میں
گنگا جمنا برندابن میں


تیرا پیارا نام زباں پر
تیرا سندر روپ ہے من میں
تیری نرالی شان
او پیارے بھگوان او پیارے بھگوان


ذروں سے میدان بنائے
بوندوں سے طوفان بنائے
کانٹوں سے پھولوں کو سجایا
مٹی سے انسان بنائے


من تجھ پر قربان
او پیارے بھگوان او پیارے بھگوان
تو ہی رحیم اور رام ہے مالک
تیرا درشن عام ہے مالک


سب کے جی میں یاد ہے تیری
رحمت تیرا کام ہے مالک
نام ترا رحمان
او پیارے بھگوان او پیارے بھگوان


دریا تیرے پریم کے دھارے
سب کا جیون تیرے سہارے
ہر پردے میں تو ہی تو ہے
کوئی تجھے مندر میں پکارے


کوئی پڑھے قرآن
او پیارے بھگوان او پیارے بھگوان

انڈا مکھن اور حلوہ
بسکٹ ٹافی اور زردہ
سب کو من کا میت لکھا
میں نے بھی کیا گیت لکھا


چھٹی ساتھی ونڈر فل
گیند کبڈی شور و غل
ان سب کو سنگیت لکھا
میں نے بھی کیا گیت لکھا


مکتب ٹیچر اور کتاب
وہ الجبرا ہو کہ حساب
سب کو پرانی ریت لکھا
میں نے بھی کیا گیت لکھا


جب بھی کی پڑھنے میں بھول
ٹھوکم ٹھاک ہوئی معقول
اس کو سچی پریت لکھا
میں نے بھی کیا گیت لکھا


جب نہ ملا کوئی انعام
ہو گیا سارا کھیل تمام
اپنی ہار کو جیت لکھا
میں نے بھی کیا گیت لکھا

چمک چمک کر سورج ابھرا چھایا پریم سویرا
میں نے دیکھا روپ نرالا دل میں اپنے تیرا
شام کی چڑیاں پنکھ پسارے گیت سناتی آئیں
سانجھ پڑے ندیاں بھی رک کر شور مچاتی آئیں


بالم تیری چوکھٹ پر ہے میرا رین بسیرا
چمک چمک کر سورج ابھرا چھایا پریم سویرا
میں نے دیکھا روپ نرالا دل میں اپنے تیرا
یہ دن اور یہ رات کا چکر یہ جینا یہ مرنا


یہ مندر مسجد یہ شوالے کیا کیا قصے کرنا
پیارے تیری سمرن جپنا دھرم ہے اب تو میرا
چمک چمک کر سورج ابھرا چھایا پریم سویرا
میں نے دیکھا روپ نرالا دل میں اپنے تیرا


چھوٹا سا اک بیج زمیں میں کیا کیا رنگ دکھائے
ابھرے پھوٹے پھول کھلائے دنیا کو مہکائے
دنیا تو نے مجھ سے بسائی باغ ہوں میں بھی تیرا
چمک چمک کر سورج ابھرا چھایا پریم سویرا


میں نے دیکھا روپ نرالا دل میں اپنے تیرا
میرا پیارا میرے تن میں جلوے دل کے اندر
کس کو ڈھونڈوں کس کو دیکھوں من ہے خود اک مندر
اس مندر میں وہ ہے ہر سو اس کا اک میں ڈیرا


چمک چمک کر سورج ابھرا چھایا پریم سویرا
میں نے دیکھا روپ نرالا اپنے دل میں تیرا

باجا بجائیں ڈم ڈم ڈم
مل مل گائیں جم جم جم
ہنسے ہنسائیں سگم سگم
آؤ مل کر کھیلیں ہم


چک چک چک بم بم بم
بادل گرجے کم کم کم
ورشا برسے چھم چھم چھم
چاروں اور بجے سرگم


آؤ مل کر کھیلیں ہم
چک چک چک بم بم بم
سورج منزل منزل جائے
ڈوبے ستارے لوٹ کے آئے


رت ہے سہانی من لہرائے
آؤ مل کر کھیلیں ہم
چک چک چک بم بم بم

تو ہی پالن ہار ہے سب کا تو ہی پالن ہار
اے خالق کرتار
تو نے سب سنسار بنایا
اپنا انوکھا روپ دکھایا


تو نے جڑے آکاش میں تارے
دھرتی کو پھولوں سے سجایا
خاک بنی گلزار
تو ہی پالن ہار ہے سب کا تو ہی پالن ہار


اے خالق کرتار
تیری ہر دم شان ہے نیاری
رحمت کی ہے گنگا جاری
سب کی تجھ سے آس لگی ہے


تیرے در کے سب ہیں بھکاری
تیرا سب سنسار
تو ہی پالن ہار ہے سب کا تو ہی پالن ہار
اے خالق کرتار


یہ مسجد یہ مٹھ یہ شوالے
رام بھگت اور اللہ والے
ہندو مسلم سکھ عیسائی
چھوٹے بڑے اور گورے کالے


سب پر تیرا پیار
تو ہی پالن ہار ہے سب کا تو ہی پالن ہار
اے خالق کرتار
تو ہی مارے تو ہی جلائے


سب کے بگڑے کام بنائے
بپھرے ہوئے طوفان کے اندر
ڈوبتی نیا تو ہی ترائے
سب کا بیڑا پار


تو ہی پالن ہار ہے سب کا تو ہی پالن ہار
اے خالق کرتار
مولا بھی بھگوان بھی تو ہے
رام بھی تو رحمان بھی تو ہے


جان بھی تیری دل بھی تیرا
ہر دل کا ارمان بھی تو ہے
تو ہے سب کا یار
تو ہی پالن ہار ہے سب کا تو ہی پالن ہار


اے خالق کرتار

یہ زندگی کے قافلے چلے ہیں اک قطار میں
ہے اک کے پیچھے ایک ہے اک کے پیچھے ایک
رواں دواں رواں دواں چلے ہیں اک قطار میں
جو سو گئے وہ کھو گئے


جو چل پڑے وہ پا گئے
یہ جگت کا ہے چلن
چلے چلو چلے چلو
یہ زندگی کے قافلے چلے ہیں اک قطار میں


ہے اک کے پیچھے ایک ہے اک کے پیچھے ایک
رواں دواں رواں دواں چلے ہیں اک قطار میں
نہ پست ہمتیں کرو
نہ اونچ نیچ سے ڈرو


ہوائیں بھی ہیں گامزن
بڑھے چلو بڑھے چلو
یہ زندگی کے قافلے چلے ہیں اک قطار میں
ہے اک کے پیچھے ایک ہے اک کے پیچھے ایک


رواں دواں رواں دواں چلے ہیں اک قطار میں

جی دکھتا ہے کیسے توڑوں
چھوٹی چھوٹی ننھی ننھی پیاری پیاری کلیاں
لے کانٹے میں سچ مچ کہہ دوں
تیرے سارے پتے وتے میری ساری کلیاں


یا اللہ میں صبح کو پاؤں
ٹہنی ٹہنی اچھی اچھی بھاری بھاری کلیاں
گیت افسرؔ کا ایسا گاؤں
جیسے میرے پودوں والی نیاری نیاری کلیاں

ہم آج کہیں دل کھو بیٹھے
یوں سمجھو کسی کے ہو بیٹھے
ہم آج کہیں دل کھو بیٹھے
ہر دم جو کوئی پاس آنے لگا


بھید الفت کے سمجھانے لگا
نظروں سے نظر کا ٹکرانا
تھا دل کے لئے اک افسانہ
ہم ہاتھوں سے دل کو کھو بیٹھے


ہم آج کہیں دل کھو بیٹھے
آنکھوں میں سمایا کوئی مگر
کون آیا کسی کو کیا یہ خبر
پوچھو تو یہی ہے اس کا پتا


چنچل نیناں اور شوخ ادا
ہم دل کی نیا ڈبو بیٹھے
ہم آج کہیں دل کھو بیٹھے

میں کھو گیا یہیں کہیں
جواں ہے رت سماں حسیں
کہاں ہے دل کسے پتہ
کہاں ہوں میں خبر نہیں


میں کھو گیا یہیں کہیں
یوں کسی سے ہوا سامنا
دل نے آواز دی تھامنا
جانے کیا کہہ گئی وہ نگاہ نازنیں


میں کھو گیا یہیں کہیں
حال دل کہہ تو دوں جھوم کے
پیار سے زلف کو چوم کے
سوچتا ہوں مگر وہ خفا نہ ہو کہیں


میں کھو گیا یہیں کہیں
دھن جو رہی پیار کی
ہو رہے گی مری وہ کبھی
میرے دل میرے دل ٹھہر جا مچل نہیں


میں کھو گیا یہیں کہیں

مرے سامنے والی کھڑکی میں
اک چاند کا ٹکڑا رہتا ہے
افسوس یہ ہے کہ وہ مجھ سے
کچھ اکھڑا اکھڑا رہتا ہے


جس روز سے دیکھا ہے اس کو ہم شمع جلانا بھول گئے
دل تھام کے ایسے بیٹھے ہیں کہیں آنا جانا بھول گئے
اب آٹھ پہر ان آنکھوں میں
وہ چنچل مکھڑا رہتا ہے


مرے سامنے والی کھڑکی میں
اک چاند کا ٹکڑا رہتا ہے
برسات بھی آ کر چلی گئی بادل بھی گرج کر برس گئے
ارے اس کی ایک جھلک کو اے حسن کے مالک ترس گئے


کب پیاس بجھے گی آنکھوں کی
دن رات یہ دھڑکا رہتا ہے
میرے سامنے والی کھڑکی میں۔۔۔۔

وہ جو ملتے تھے کبھی ہم سے دوانوں کی طرح
آج یوں ملتے ہیں جیسے کبھی پہچان نہ تھی
وہ جو ملتے تھے کبھی ہم سے دوانوں کی طرح
دیکھتے بھی ہیں تو یوں میری نگاہوں میں کبھی


اجنبی جیسے ملا کرتے ہیں راہوں میں کبھی
اس قدر ان کی نظر ہم سے تو انجان نہ تھی
وہ جو ملتے تھے کبھی ہم سے دوانوں کی طرح
ایک دن تھا کبھی یوں ہی جو مچل جاتے تھے


کھیلتے تھے مری زلفوں سے بہل جاتے تھے
وہ پریشاں تھے مری زلف پریشان نہ تھی
وہ جو ملتے تھے کبھی ہم سے دوانوں کی طرح
وہ محبت وہ شرارت مجھے یاد آتی ہے


دل میں اک پیار کا طوفان اٹھا جاتی ہے
تھی مگر ایسی تو الجھن میں مری جان نہ تھی
وہ جو ملتے تھے کبھی ہم سے دوانوں کی طرح

مجھے درد دل کا پتہ نہ تھا
مجھے آپ کس لئے مل گئے
میں اکیلے یوں ہی مزے میں تھا
مجھے آپ کس لئے مل گئے


یوں ہی اپنے اپنے سفر میں گم
کہیں دور میں کہیں دور تم
چلے جا رہے تھے جدا جدا
مجھے آپ کس لئے مل گئے


نہ میں چاند ہوں کسی شام کا
نہ چراغ ہوں کسی بام کا
میں تو راستے کا ہوں اک دیا
مجھے آپ کس لئے مل گئے


مجھے درد دل کا پتہ نہ تھا
مجھے آپ کس لئے مل گئے

ہم ہیں راہی پیار کے ہم سے کچھ نہ بولئے
جو بھی پیار سے ملا ہم اسی کے ہو لیے
ہم ہیں راہی پیار کے ہم سے کچھ نہ بولئے
درد بھی ہمیں قبول چین بھی ہمیں قبول


ہم نے ہر طرح کے پھول ہار میں پرو لیے
جو بھی پیار سے ملا ہم اسی کے ہو لیے
دھوپ تھی نصیب میں دھوپ میں لیا ہے دم
چاندنی ملی تو ہم چاندنی میں سو لیے


جو بھی پیار سے ملا ہم اسی کے ہو لیے
دل کا آسرا لیے ہم تو بس یوں ہی جیے
اک قدم پہ ہنس لیے اک قدم پہ رو لیے
جو بھی پیار سے ملا ہم اسی کے ہو لیے


راہ میں پڑے ہیں ہم کب سے آپ کی قسم
دیکھیے تو کم سے کم بولئے نہ بولئے
جو بھی پیار سے ملا ہم اسی کے ہو لیے

سوپن جھڑے پھول سے
میت چبھے شول سے
لٹ گئے سنگار سبھی باغ کے ببول سے
اور ہم کھڑے کھڑے بہار دیکھتے رہے


کارواں گزر گیا غبار دیکھتے رہے
نیند بھی کھلی نہ تھی کہ ہائے دھوپ ڈھل گئی
پاؤں جب تلک اٹھے کہ زندگی پھسل گئی
پات پات جھڑ گئے کہ شاخ شاخ جل گئی


چاہ تو نکل سکی، نہ پر عمر نکل گئی
گیت اشک بن گئے
چھند ہو دفن گئے
ساتھ کے سبھی دیے دھواں دھواں پہن گئے


اور ہم جھکے جھکے
موڑ پر رکے رکے
عمر کے چڑھاؤ کا اتار دیکھتے رہے
کارواں گزر گیا غبار دیکھتے رہے


کیا شباب تھا کہ پھول پھول پیار کر اٹھا
کیا سروپ تھا کہ دیکھ آئنہ سحر اٹھا
اس طرف زمین اٹھی تو آسمان ادھر اٹھا
تھام کر جگر اٹھا کہ جو ملا نظر اٹھا


ایک دن مگر یہاں
ایسی کچھ ہوا چلی
لٹ گئی کلی کلی کہ گھٹ گئی گلی گلی
اور ہم لٹے لٹے


وقت سے پٹے پٹے
سانس کی شراب کا خمار دیکھتے رہے
کارواں گزر گیا غبار دیکھتے رہے
ہاتھ تھے ملے کہ زلف چاند کی سنوار دوں


ہونٹھ تھے کھلے کہ ہر بہار کو پکار دوں
درد تھا دیا گیا کہ ہر دکھی کو پیار دوں
اور سانس یوں کہ سورگ بھومی پر اتار دوں
ہو سکا نہ کچھ مگر


شام بن گئی سحر
وہ اٹھی لہر کہ دہ گئے قلعے بکھر بکھر
اور ہم ڈرے ڈرے
نیر نین میں بھرے


اوڑھ کر کفن پڑے مزار دیکھتے رہے
کارواں گزر گیا غبار دیکھتے رہے
مانگ بھر چلی کہ ایک جب نئی نئی کرن
ڈھولکیں دھمک اٹھیں ٹھمک اٹھے چرن چرن


شور مچ گیا کہ لو چلی دلہن چلی دلہن
گاؤں سب امڈ پڑا بہک اٹھے نین نین
پر تبھی زہر بھری
گاج ایک وہ گری


پونچھ گیا سندور تار تار ہوئی چنری
اور ہم انجان سے
دور کے مکان سے
پالکی لیے ہوئے کہار دیکھتے رہے


کارواں گزر گیا غبار دیکھتے رہے

اب وہ کرم کریں کہ ستم میں نشے میں ہوں
مجھ کو نہ کوئی ہوش نہ غم میں نشے میں ہوں
سینے سے بوجھ ان کے غموں کا اتار کے
آیا ہوں آج اپنی جوانی کو ہار کے


کہتے ہیں ڈگمگاتے قدم میں نشے میں ہوں
وہ بے وفا ہے اب بھی یہ دل مانتا نہیں
کمبخت نا سمجھ ہے انہیں جانتا نہیں
میں آج توڑ دوں گا بھرم میں نشے میں ہوں


فرصت نہیں ہے رونے رلانے کے واسطے
آئے نہ ان کی یاد ستانے کے واسطے
اس وقت دل میں درد ہے کم میں نشے میں ہوں

یہ ہے میرا ہندوستان
میرے سپنوں کا جہان
اس سے پیار ہے مجھ کو
ہنستا گاتا جیون اس کا دھوم مچاتے موسم


گنگا جمنا کی لہروں میں سات سروں کے سرگم
تاج ایلورا جیسے سندر تصویروں کے البم
یہ ہے میرا ہندوستان
میرے سپنوں کا جہان


اس سے پیار ہے مجھ کو
دن البیلے راتیں اس کی مستی کی سوداگر
دھرتی جیسے پھوٹ بہی ہو دودھ کی کچی گاگر
اونچے اونچے پربت اس کے نیلے نیلے ساگر


یہ ہے میرا ہندوستان
میرے سپنوں کا جہان
اس سے پیار ہے مجھ کو
بادل جھومے برکھا برسے پون جھکولے کھائے


دھرتی کے پھیلے آنگن میں یوں کھیتی لہرائے
جیسے بچہ ماں کی گود میں رہ رہ کے مسکائے
یہ ہے میرا ہندوستان
میرے سپنوں کا جہان


اس سے پیار ہے مجھ کو
رادھا سیتا چندر گائے گائے اندوبال
نینوں میں کاجل کے ڈورے سرخ گلابی گال
زلفوں کی وہ چھایا جیسے شملہ نینی تال


یہ ہے میرا ہندوستان
میرے سپنوں کا جہان
اس سے پیار ہے مجھ کو
ڈھولک جاگی مہندی لاگی رنگ رنگیلا ساون


سکھیاں مل مل ہولی کھیلیں سانوریا کے آنگن
گھونگھٹ میں گوری شرمائے پیا ملن کے کارن
یہ ہے میرا ہندوستان
میرے سپنوں کا جہان


اس سے پیار ہے مجھ کو
راجا رانی گڈا گڈی اور پریوں کی کہانی
بچوں کے جھرمٹ میں سنائے بیٹھ کے بوڑھی نانی
لوری گائے ماتھا چومے ممتا کی دیوانی


یہ ہے میرا ہندوستان
میرے سپنوں کا جہان
اس سے پیار ہے مجھ کو
البیلا پنجاب ہے اس کا رومانوں کی بستی


صبح بنارس شام اودھ اور شالیمار کی مستی
بمبئی جیسے شہر ہیں اس میں دلی جیسی بستی
یہ ہے میرا ہندوستان
میرے سپنوں کا جہان


اس سے پیار ہے مجھ کو
غالب اور ٹیگور یہیں کے میرا کالی داس
یہیں ہوا تھا سچائی کا گوتم کو احساس
یہیں لیا تھا ساتھ رام کے سیتا نے بن باس


یہ ہے میرا ہندوستان
میرے سپنوں کا جہان
اس سے پیار ہے مجھ کو
مندر مسجد ہیں تو کہیں ہیں گرجا اور شوالے


ملا پنڈت گیتا اور قرآن کے ہیں متوالے
ہندو مسلم سکھ عیسائی دیش کے سب رکھوالے
یہ ہے میرا ہندوستان
میرے سپنوں کا جہان


اس سے پیار ہے مجھ کو

مسلماں اور ہندو کی جان
کہاں ہے میرا ہندوستان
میں اس کو ڈھونڈ رہا ہوں
مرے بچپن کا ہندوستان


نہ بنگلہ دیش نہ پاکستان
مری آشا مرا ارمان
وہ پورا پورا ہندوستان
میں اس کو ڈھونڈ رہا ہوں


وہ میرا بچپن وہ اسکول
وہ کچی سڑکیں اڑتی دھول
لہکتے باغ مہکتے پھول
وہ میرے کھیت مرے کھلیان


میں اس کو ڈھونڈ رہا ہوں
وہ اردو غزلیں ہندی گیت
کہیں وہ پیار کہیں وہ پریت
پہاڑی جھرنوں کے سنگیت


دیہاتی لہرا پربی تان
میں اس کو ڈھونڈ رہا ہوں
جہاں کے کرشن جہاں کے رام
جہاں کی شام سلونی شام


جہاں کی صبح بنارس دھام
جہاں بھگوان کریں اشنان
میں اس کو ڈھونڈ رہا ہوں
جہاں تھے تلسیؔ اور کبیرؔ


جائسیؔ جیسے پیر فقیر
جہاں تھے مومنؔ غالبؔ میرؔ
جہاں تھے رحمنؔ اور رسخانؔ
میں اس کو ڈھونڈ رہا ہوں


وہ میرے پرکھوں کی جاگیر
کراچی لاہور و کشمیر
وہ بالکل شیر کی سی تصویر
وہ پورا پورا ہندوستان


میں اس کو ڈھونڈ رہا ہوں
جہاں کی پاک پوتر زمین
جہاں کی مٹی خلد نشین
جہاں مہراج معینؔ الدین


غریب نواز ہند سلطان
میں اس کو ڈھونڈ رہا ہوں
مجھے ہے وہ لیڈر تسلیم
جو دے یکجہتی کی تعلیم


مٹا کر کنبوں کی تقسیم
جو کر دے ہر قالب اک جان
میں اس کو ڈھونڈ رہا ہوں
یہ بھوکا شاعر پیاسا کوی


سسکتا چاند سلگتا روی
ہو جس مدرا میں ایسی چھوی
کرا دے اجملؔ کو جلپان
میں اس کو ڈھونڈ رہا ہوں


مسلماں اور ہندو کی جان
کہاں ہے میرا ہندوستان
میں اس کو ڈھونڈ رہا ہوں

مجھے گلے سے لگا لو بہت اداس ہوں میں
غم جہاں سے چھڑا لو بہت اداس ہوں میں
یہ انتظار کا دکھ اب سہا نہیں جاتا
تڑپ رہی ہے محبت رہا نہیں جاتا


تم اپنے پاس بلا لو بہت اداس ہوں میں
بھٹک چکی ہوں بہت زندگی کی راہوں میں
مجھے اب آ کے چھپا لو تم اپنی بانہوں میں
مرا سوال نہ ٹالو بہت اداس ہوں میں


ہر ایک سانس میں ملنے کی پیاس پلتی ہے
سلگ رہا ہے بدن اور روح جلتی ہے
بچا سکو تو بچا لو بہت اداس ہوں میں

زندگی بھر نہیں بھولے گی وہ برسات کی رات
ایک انجان حسینہ سے ملاقات کی رات
ہائے وہ ریشمیں زلفوں سے برستا پانی
پھول سے گالوں پہ رکنے کو ترستا پانی


دل میں طوفان اٹھائے ہوئے جذبات کی رات
زندگی بھر نہیں بھولے گی وہ برسات کی رات
ڈر کے بجلی سے اچانک وہ لپٹنا اس کا
اور پھر شرم سے بل کھا کے سمٹنا اس کا


کبھی دیکھی نہ سنی ایسی طلسمات کی رات
زندگی بھر نہیں بھولے گی وہ برسات کی رات
سرخ آنچل کو دبا کر جو نچوڑا اس نے
دل پہ جلتا ہوا اک تیرا سا چھوڑا اس نے


آگ پانی میں لگاتے ہوئے حالات کی رات
زندگی بھر نہیں بھولے گی وہ برسات کی رات
میرے نغموں میں جو بستی ہے وہ تصویر تھی وہ
نوجوانی کے حسیں خواب کی تعبیر تھی وہ


آسمانوں سے اتر آئی تھی جو رات کی رات
زندگی بھر نہیں بھولے گی وہ برسات کی رات

یہ دولت بھی لے لو یہ شہرت بھی لے لو
بھلے چھین لو مجھ سے میری جوانی
مگر مجھ کو لوٹا دو بچپن کا ساون
وہ کاغذ کی کشتی وہ بارش کا پانی


محلے کی سب سے پرانی نشانی
وہ بڑھیا جسے بچے کہتے تھے نانی
وہ نانی کی باتوں میں پریوں کا ڈیرا
وہ چہرے کی جھریوں میں صدیوں کا پھیرا


بھلائے نہیں بھول سکتا ہے کوئی
وہ چھوٹی سی راتیں وہ لمبی کہانی
کھڑی دھوپ میں اپنے گھر سے نکلنا
وہ چڑیاں وہ بلبل وہ تتلی پکڑنا


وہ گڑیا کی شادی میں لڑنا جھگڑنا
وہ جھولوں سے گرنا وہ گر کے سنبھلنا
وہ پیتل کے چھلوں کے پیارے سے تحفے
وہ ٹوٹی ہوئی چوڑیوں کی نشانی


کبھی ریت کے اونچے ٹیلوں پہ جانا
گھروندے بنانا بنا کے مٹانا
وہ معصوم چاہت کی تصویر اپنی
وہ خوابوں خیالوں کی جاگیر اپنی


نہ دنیا کا غم تھا نہ رشتوں کا بندھن
بڑی خوبصورت تھی وہ زندگانی