ہندی غزل شاعری: اپنی تعریف اور شکریہ کا اظہار

میں جسے اوڑھتا بچھاتا ہوں
وہ غزل آپ کو سناتا ہوں
ایک جنگل ہے تیری آنکھوں میں
میں جہاں راہ بھول جاتا ہوں


تو کسی ریل سی گزرتی ہے
میں کسی پل سا تھرتھراتا ہوں
ہر طرف اعتراض ہوتا ہے
میں اگر روشنی میں آتا ہوں


ایک بازو اکھڑ گیا جب سے
اور زیادہ وزن اٹھاتا ہوں
میں تجھے بھولنے کی کوشش میں
آج کتنے قریب پاتا ہوں


کون یہ فاصلہ نبھائے گا
میں فرشتہ ہوں سچ بتاتا ہوں

ہو گئی ہے پیر پربت سی پگھلنی چاہئے
اس ہمالے سے کوئی گنگا نکلنی چاہئے
آج یہ دیوار پردوں کی طرح ہلنے لگی
شرط لیکن تھی کہ یہ بنیاد ہلنی چاہئے


ہر سڑک پر ہر گلی میں ہر نگر ہر گاؤں میں
ہاتھ لہراتے ہوئے ہر لاش چلنی چاہئے
صرف ہنگامہ کھڑا کرنا مرا مقصد نہیں
میری کوشش ہے کہ یہ صورت بدلنی چاہئے


میرے سینے میں نہیں تو تیرے سینے میں سہی
ہو کہیں بھی آگ لیکن آگ جلنی چاہئے

کسی کے خط کا بہت انتظار کرتے ہیں
ہماری چھت پہ کبوتر نہیں اترتے ہیں
خوشی کے پیار کے گل کے بہار کے لمحے
ہمیں ملے بھی تو پل بھر نہیں ٹھہرتے ہیں


کسی طرف سے بھی آؤ گے ہم کو پاؤ گے
ہمارے گھر سے سبھی راستے گزرتے ہیں
یہ جانتا ہے سمندر میں کودنے والا
جو ڈوبتے ہیں وہی لوگ پھر ابھرتے ہیں


کہیں فساد کہیں حادثے کہیں دہشت
گھروں سے لوگ نکلتے ہوئے بھی ڈرتے ہیں