بچوں کے لئے شاعری

آب رنگیں حوض سنگین مارا پیچا گل خندا

میں گاؤں تم سو جاؤ
میں گاؤں تم سو جاؤ
سکھ سپنوں میں کھو جاؤ
مانا آج کی رات ہے لمبی


مانا دن تھا بھاری
پر جگ بدلا
بدلے گی ایک دن تقدیر ہماری
اس دن کے خواب سجاؤ


میں گاؤں تم سو جاؤ
کل تم جب آنکھیں کھولو گے
جب ہوگا اجیارا
خوشیوں کا سندیشا لے کر


آئے گا سویرا پیارا
مت آس کے دیپ بجھاؤ
میں گاؤں تم سو جاؤ
جی کرتا ہے جیتے جی


میں یوں ہی گاتا جاؤں
گردش میں تھکے ہاروں کا
ماتھا سہلاتا جاؤں
پھر اک دن تم دہراؤ


سکھ سپنوں میں کھو جاؤ
میں گاؤں تم سو جاؤ

آج کل میں ڈھل گیا دن ہوا تمام
تو بھی سو جا سو گئی رنگ بھری شام
سو گیا چمن چمن سو گئی کلی کلی
سو گئے ہیں سب نگر سو گئی گلی گلی


نیند کہہ رہی چل میری بانہیں تھام
تو بھی سو جا سو گئی رنگ بھری شام
ہے بجھا بجھا سا دل بوجھ سانس سانس پر
جی رہیں ہیں پھر بھی ہم صرف کل کی آس پر


کہہ رہی ہے چاندنی لے کے تیرا نام
تو بھی سو جا سو گئی رنگ بھری شام
کون آئے گا ادھر کس کی راہ دیکھیں ہم
جن کی آہٹیں سنیں جانے کس کے تھے قدم


اپنا کوئی بھی نہیں تو پھر اپنے تو ہیں رام
تو بھی سو جا سو گئی رنگ بھری شام

میں جاگوں تو سو جائے
رام کرے ایسا ہو جائے
میری نندیا توہے مل جائے
میں جاگوں تو سو جائے


میں جاگوں تو سو جائے
گزر جائیں سکھ سے تیری دکھ بھری رتیاں
بدل لوں میں توسے انکھیاں
بس میں اگر ہوں یہ بتیاں


مانگوں دعائیں ہاتھ اٹھائے
میری نندیا توہے مل جائے
میں جاگوں تو سو جائے
میں جاگوں تو سو جائے


تو ہی نہیں میں ہی نہیں
سارا زمانا درد کا ہے ایک فسانہ
آدمی ہو جائے دیوانہ
یاد کرے گر بھول نہ جائے


میری نندیا توہے مل جائے
میں جاگوں تو سو جائے
میں جاگوں تو سو جائے
سوپن چلا آئے کوئی چوری چوری


مست پون گائے لوری
چندر کرن بن کے ڈوری
تیرے من کو جھولا جھلائے
میری نندیا توہے مل جائے


میں جاگوں تو سو جائے
میں جاگوں تو سو جائے

چندہ ماما دور کے
چندہ ماما دور کے پوے پکائیں بور کے
آپ کھائیں تھالی میں منے کو دیں پیالی میں
پیالی گئی ٹوٹ منا گیا روٹھ


لائیں گے نئی پیالیاں بجا بجا کے تالیاں
منے کو منائیں گے ہم دودھ ملائی کھائیں گے
چندہ ماما دور کے پوے پکائیں بور کے
اڑن کھٹولے بیٹھ کے منا چندہ کے گھر جائے گا


تاروں کے سنگ آنکھ مچولی کھیل کے دل بہلائے گا
کھیل کود سے جب میرے منے کا دل بھر جائے گا
ٹھمک ٹھمک میرا منا واپس گھر کو آئے گا
چندہ ماما دور کے پوے پکائیں بور کے

میں گاؤں تو چپ ہو جا
میں گاؤں تو چپ ہو جا
میں جاگوں رے تو سو جا
دھرتی کی کایا سوئی


انبر کی مایا سوئی
جھلمل تاروں کے نیچے
سپنوں کی چھایا سوئی
میں ڈھونڈھوں


ہو میں ڈھونڈھوں رے تو کھو جا
میں جاگوں رے تو سو جا
جانے ہوائیں کہاں کھوئیں
ساگر کی بھی لہریں سویم


دنیا کا سب دکھڑا بھر کے
تیری دو انکھیاں رے کیوں روئیں
آنسو کے
ہو آنسو کے شبنم دھو جا


میں جاگوں رے تو سو جا
آنسو تیرے مجھ کو دے دے
بدلے میں میری ہنسی لے لے
تیرا تو من سکھ سے کھیلے


میرا ہردے تیرا دکھ جھیلے
نئے بیج
نئے بیج خوشی کے بو جا
میں جاگوں رے تو سو جا


میں گاؤں تو چپ ہو جا
میں جاگوں رے تو سو جا

چھوٹی سی پیاری سی
چھوٹی سی پیاری سی ننھی سی آئی کوئی پری
بھولی سی نیاری سی اچھی سی آئی کوئی پری
پالنے میں ایسے ہی جھولتی رہے


خوشیوں کی بہاروں میں جھومتی رہے
گاتے مسکراتے سنگیت کی طرح
یہ تو لگے راما کے گیت کی طرح
را را رو را را رو را را را رو


سرگم جانوں نہ سر پہچانوں نہ
جانے کیسے فنکار بن گیا
سب سے یاری ہے ناطے داری ہے
جس کو چاہا وہ یار بن گیا


مجھ کو جو دیا رب نے ہی دیا
آیا جو دل میں وہ میں نے گا لیا
آیا جو دل میں وہ میں نے گا لیا
گاتے مسکراتے سنگیت کی طرح


دنیا لگے راما کے سنگیت کی طرح
را رو را را رو را رو را را رو

آ جا ری نندیا رانی آ جا
آ جا نندیا رانی آ جا دور ستاروں سے
ننھے ننھے سپنے لے آ دور نظاروں سے
آ جا میری گڑیا کی ننھی سی آنکھوں میں


آ جا نندیا رانی آ جا دور ستاروں سے
پریوں کی نگری سے آنے والی ہے وہ سپنے سلونے لیے
ننھی سی پلکوں میں چھپ جائے گی وہ ڈھیروں کھلونے لیے
پھر تھپکیاں دے کے وہ گنگنائے گی


سو جا سو جا سو جا
آ جا نندیا رانی آ جا دور ستاروں سے

گڑیا رانی بٹیا رانی
گڑیا رانی بٹیا رانی پریوں کی نگری سے اک دن
راج کنور جی آئیں گے محلوں میں لے جائیں گے
گڑیا رانی بٹیا رانی


آگے پیچھے گھوڑے ہاتھی بیچ میں ہوں گے سو باراتی
اتنی آج اکیلی ہو تم تیرے کتنے ہوں گے ساتھی
کتنی خوش ہوں میں میرے آنکھ میں پانی
گڑیا رانی بٹیا رانی


تو میری چھوٹی سی گڑیا بن جائے گی جادو کی پڑیا
تجھ پہ آ جائے گی جوانی میں تو ہو جاؤں گی بڑھیا
بھول نہ جانا پریت پرانی گڑیا رانی بٹیا رانی

ننھی کلی سونے چلی ہوا دھیرے آنا
نیند بھرے پنکھ لیے جھولا جھلا جانا
نیند بھرے پنکھ لیے جھولا جھلا جانا
ننھی کلی سونے چلی ہوا دھیرے آنا


نیند بھرے پنکھ لیے جھولا جھلا جانا
ننھی کلی سونے چلی ہوا دھیرے آنا
چاند کرن سی گڑیا نازوں کی ہے پلی
چاند کرن سی گڑیا نازوں کی ہے پلی


آج اگر چندنیا آنا میری گلی
گن گن گن گیت کوئی ہولے ہولے گانا
نیند بھرے پنکھ لیے جھولا جھلا جانا
ننھی کلی سونے چلی ہوا دھیرے آنا


ریشم کی ڈور اگر پیروں کو الجھائے
گھنگھرو کا دانہ کوئی شور مچا جائے
رانی میری جاگے تو پھر نندیا تو بہلانا
نیند بھرے پنکھ لیے جھولا جھلا جانا


ننھی کلی سونے چلی ہوا دھیرے آنا

اے میرے جانی اے میرے پیارے
آنکھوں کی ٹھنڈک دل کے سہارے
ٹھنڈی ہوائیں آنے لگی ہیں
پیغام راحت لانے لگی ہیں


دیتا ہے لوری گھڑیال سو جا
رات آ گئی ہے اے لال سو جا
قرباں دنوں پر راتوں کے صدقے
میں تیری میٹھی باتوں کے صدقے


تو ہی ہمارے دل کا سہارا
ماں کی جوانی ابا کا پیارا
جب لائے گا تو دولت کما کر
دے گا ہمارے ہاتھوں میں لا کر


سکھ تیرا ہم کو مولا دکھائے
تجھ کو نگاہ بد سے بچائے

مرے بھیا کا جھولا ہے ہا ہا ہا ہو ہو ہو
ہوا کا یہ تو گھوڑا ہے ہا ہا ہا ہو ہو ہو
بڑی تیزی سے جاتا ہے بڑی تیزی سے آتا ہے
ہوا سے باتیں کرتا ہے ہا ہا ہا ہو ہو ہو


نہ اس میں بد رکابی ہے نہ اس میں بد لگامی ہے
نہ کھاتا کوئی کوڑا ہے ہا ہا ہا ہو ہو ہو
یہ چاروں ڈوریاں اس کی اگاڑی اور پچھاڑی ہیں
ہوا میں اس سے لٹکا ہے ہا ہا ہا ہو ہو ہو

ہوئی رین چندن کا پلنا جھلاؤں
مرے لاڈلے تجھ کو لوری سناؤں
سدا جادو نگری کے دیکھے تو سپنے
بھرے پھول خوشیوں کے دامن میں اپنے


محبت سے تجھ کو سنواروں سجاؤں
مرے لاڈلے تجھ کو لوری سناؤں
تو نور نظر ہے تو گھر کا اجالا
بہت ناز سے ہے تجھے میں نے پالا


مرے چاند تجھ پہ سدا واری جاؤں
مرے لاڈلے تجھ کو لوری سناؤں
تو جھولا دھنک کا مرے لال جھولے
بڑا ہو کے تو کہکشاؤں کو چھو لے


ستارے ترے کھیلنے کو میں لاؤں
مرے لاڈلے تجھ کو لوری سناؤں
ترے واسطے ہیں مری سب دعائیں
ہمیشہ رہیں دور تجھ سے بلائیں

ننھی منی راج دلاری میری آنکھوں کا تارا
تیری آنکھیں کتنی پیاری جس سے چمکے گھر سارا
ننھی منی راج دلاری میری آنکھوں کا تارا
آنکھیں موندے سو جا پیاری پلکیں سجائے جھولے


جس میں پیاری پیاری پریاں رقص کریں رنگیلے
ہلکے ہلکے جھونکے نغمہ گانے لگے ہیں نیارا
ننھی منی راج دلاری میری آنکھوں کا تارا
رنگیں تتلی آ کر چھیڑے تیرے ان گالوں کو


چڑیا بلبل آ کر چومیں تیرے ان بالوں کو
لوری گانے کلیاں آئیں پھول بنے گہوارا
ننھی منی راج دلاری میری آنکھوں کا تارا
ساون برکھا ندیا پانی چومے تیرے پیروں کو


جگنو تارے جگ مگ چمکے چین ملے ترے نینوں کو
نیل گگن کا چندا ہے تو پھیلائے اجیارا
ننھی منی راج دلاری میری آنکھوں کا تارا

آ جا ری نندیا آ جانا
میری منی کو سلا جانا
پھولوں کی رانی سونے لگی ہے
خوابوں میں اپنے وہ کھونے لگی ہے


کہہ دو ہوا سے کہ دھیرے سے آئے
کوئی یہاں پر نہ شور مچائے
تو بھی تو دھیرے دھیرے آ
آ جا ری نندیا آ جانا


میری منی کو سلا جانا
چاند نگر سے یہ جھولا منگایا
تتلی کے رنگوں سے اس کو سجایا
پھول بھی خوشبو لٹانے لگے ہیں


بھنورے بھی نغمے سنانے لگے ہیں
تو بھی تو آ جا لوری سنا جا
آ جا ری نندیا آ جانا
میری منی کو سلا جانا


پریاں میرے گھر میں آئی ہوئی ہیں
چاندنی بھی ساتھ لائی ہوئی ہیں
کوئل بھی گیت سنانے کو آئی
چڑیا بھی جھولا جھلانے کو آئی


تو بھی تو آ جا لوری سنا جا
آ جا ری نندیا آ جانا
میری منی کو سلا جانا

لو میرے ننھا کو آتی ہے نیند
سونے کا پیغام لاتی ہے نیند
ننھا ہے میرا بڑا پہلوان
ننھے پہ میرے خدا کی امان


سچ بولتا ہے یہ ننھا مرا
ہے جھوٹی باتوں سے بیزار سا
جھوٹ اور چغلی سے بچتا ہے یہ
کتنا سمجھ دار بچہ ہے یہ


لیتا ہے پہلے خدا کا یہ نام
کرتا ہے پھر ہیں جو کرنے کے کام
پڑھنے سے یہ جی چراتا نہیں
کھیل اور کود اس کو بھاتا نہیں


ہوگا بڑا جب یہ بیٹا مرا
اس کو ملے گا بڑا مرتبہ
اسلام کے کام آئے گا یہ
دنیا کی محفل سجائے گا یہ


ہو میرے ننہا پہ فضل خدا
جگ جگ جئے یہ مرا لاڈلا
آ جا ری نندیا تو آ کیوں نہ جائے
ننھا کو میرے سلا کیوں نہ جائے


آتی ہوں بی بی اب آتی ہوں میں
ننھا کو آ کر سلاتی ہوں میں

روئے گا نہ روئے گا
منا بیٹا سوئے گا
پاپا گھر جب آئیں گے
ٹافی بسکٹ لائیں گے


منا بیٹا کھائے گا
سو کر جب اٹھ جائے گا
روئے گا نہ روئے گا
منا بیٹا روئے گا


دیدی کل جب آئے گی
چندا پر لے جائے گی
چندا پر جب جھولے گا
منا بیٹا پھولے گا


روئے گا نہ روئے گا
منا بیٹا سوئے گا
بجلی جب یہ چمکے ہے
گھر میں بھی آ دھمکے ہے


بادل دیکھو گرجے ہے
پانی بھی اب برسے ہے
روئے گا نہ روئے گا
منا بیٹا سوئے گا


کتا بھوں بھوں کرتا ہے
بچہ ڈر سے سوتا ہے
جب جب کتا آ جائے
ہم کو تم کو کھا جائے


روئے گا نہ روئے گا
منا بیٹا سوئے گا

سو گئی تتلی سو گئی مینا
سو گئی کوئل سو گئی چڑیا
سو گئی بلبل سو گئی مینا
پنکھ پکھیرو سو گئے سارے


تو بھی سو جا منا پیارے
منی کی آنکھ کا تارا سو جا
پاپا کا راج دلارا سو جا
دادی کا موہن پیارا سو جا


پاپا دادی سو گئے تمہارے
تو بھی سو جا منا پیارے
چندا ماما چمکتے سو گئے
جگنو تو اب دمکتے سو گئے


تارے بھی ٹمٹماتے سو گئے
سو گئے چندا جگنو تارے
تو بھی سو جا منا پیارے
دیکھو آئی پری سنہری


ساتھ لائی نندیا کی ڈوری
نندیا سے ہے بھری پٹاری
آئی نندیا پنکھ پسارے
تو بھی سو جا منا پیارے

نندیا رانی آ رے منی کو سلا رے
چاند سا مکھڑا اس کا ہے آنکھیں اس کی تارے
سات سمندر پار سے آئے گا شہزادہ
پیارا پیارا چہرہ اس کا ہوگا نیک ارادہ


بیاہ رچا کے جائے گا مسکائیں گے سارے
نندیا رانی آ رے منی کو سلا رے
چاند میں جیسے چاندنی بانسری میں ہو راگنی
میری بیٹی پریوں کے دیس کی ہے اک رانی


سپنے اس کی پلکوں پر آ کے تو سجا رے
نندیا رانی آ رے منی کو سلا رے
آسمان کے تارے آ کر لوری تم سناؤ
چندا ماما تم بھی گا کر منی کو سلاؤ


پلکوں کے آکاش پر نیند کے بادل چھا رے
نندیا رانی آ رے منی کو سلا رے
چمکے تیرا مقدر اور تو بن جائے رانی
ساری دنیا میں پھیلے رانی تری کہانی


تیرا اپنا جیون ہو تیرے گھر چوبارے
نندیا رانی آ رے منی کو سلا رے
سکھ ہی سکھ ہو جیون میں دکھ نہ کوئی آئے
ہر پل خوشیاں جیون میں بیٹی تیرے لائے


تیرے آنگن میں کھیلیں تیرے بچے پیارے
نندیا رانی آ رے منی کو سلا رے
چاند کے جھولے میں سوئے دکھ نہ کبھی یہ پائے
اس کا جیون سندر ہو ہر پتھ پر مسکائے


اصغرؔ کے سنگ اب یہ دعا آؤ کریں ہم سارے
نندیا رانی آ رے منی کو سلا رے

چاندنی چھٹکی ہوئی ہے ہر طرف
روشنی ہی روشنی ہے ہر طرف
ایک عورت بام پر ہے جلوہ گر
چرخ نیلی فام پر جیسے قمر


گود میں ہے ایک بچہ شیر خوار
پیار کرتی ہے اسے وہ بار بار
کہہ رہی ہے چاند کو وہ دیکھ کر
تجھ سے اچھا ہے مرا نور نظر


نور جو اس میں ہے وہ تجھ میں کہاں
تجھ میں کب ہیں جو ہیں اس میں خوبیاں
میری آنکھوں کا ہے تارا نور عین
میری آنکھوں کی ہے ٹھنڈک دل کا چین


کیوں نہ چوموں اس کی دو آنکھوں کو میں
چاند سے چہرے پہ دو تارے یہ ہیں
چاند تیرے منہ پہ کب ہے آنکھ ناک
کیا نظر بھر کر تجھے دیکھوں میں خاک


چاند کا ٹکڑا ہے یہ بچہ مرا
لخت دل لخت جگر ماں باپ کا
دیکھ کر اس کو تجھے دیکھوں میں کیا
دور تو نزدیک میرا لاڈلا


میرا بچہ میرے گھر کا ہے چراغ
دیکھ کر ہوتی ہوں اس کو باغ باغ
چاند کیوں تو دیکھتا ہے گھور کر
میرے بچے کو نہ لگ جائے نظر


چاند ڈالے گا خلل آرام میں
اب چلو ننھے کہ جا کر سو رہیں

چندا سویا سو گئے تارے
سو گئے سارے نظارے
جگ سارا سویا
سپنوں میں کھویا


تو بھی تو سو جا
سپنوں میں کھو جا
سو جا منا پیارے
میرے راج دلارے


دریا سویا سو گئے دھارے
سو گئے دونوں کنارے
تو بھی تو سو جا
سپنوں میں کھو جا


سو جا منا پیارے
میرے راج دلارے
راہی سویا سو گئی منزل
سو گئی ہر اک محفل


تو بھی تو سو جا
سپنوں میں کھو جا
سو جا منا پیارے
میرے راج دلارے


آ جا پیاری نندیا تو آ جا
منے کی آنکھوں میں آ کے سما جا
منے کو جلدی سلا جا
جگ سارا سویا


سپنوں میں کھویا
تو بھی تو سو جا
سپنوں میں کھو جا
سو جا منا پیارے


میرے راج دلارے

سو جا میرے پیارے سو جا
میرے راج دلارے سو جا
دنیا پر ہے رات کا ڈیرا
ہر جانب ہے نیند کا پھیرا


چڑیوں نے بھی کیا بسیرا
سو گئے دن کے نظارے سو جا
سو جا میرے پیارے سو جا
چاند ستارے لوری گائیں


نکلیں ماں کے دل سے دعائیں
رد ہوں تیری ساری بلائیں
میری جان سے پیارے سو جا
میرے راج دلارے سو جا


اے میرے نازوں کے پالے
پلکوں پلکوں خواب سجا لے
رات بخیر خدا کے حوالے
میرے دل کے سہارے سو جا


سو جا میرے پیارے سو جا

نندیا تجھے بلائے
خواب پری للچائے
خواب میں تیرے گڑیا
جاگنے والی آئے


نیند نگر کی رانی
ہنڈ کلھیا پکوائے
راہ تکے ہے تیری
دستر خوان بچھائے


دیکھ تو سو کر پیاری
سب تجھ کو مل جائے

میری امی میٹھے سر میں گاتی ہیں جب لوری
جانے کہاں سے آ جاتی ہیں پریاں گوری گوری
کیا جانے وہ مجھ پر کیسا کر دیتی ہیں جادو
امی یاد آتی ہیں مجھ کو اور نہ اپنے ابو


اپنے سنہرے رنگ برنگے پنکھوں کو پھیلا کر
جانے کہاں لے جاتی ہیں وہ مجھ کو چوری چوری
میری امی میٹھے سر میں گاتی ہیں جب لوری
جانے کہاں سے آ جاتی ہیں پریاں گوری گوری


روز رات کو آ جاتی ہیں گرمی ہو یا سردی
کیا جانے کیوں ان کو مجھ سے ہے اتنی ہمدردی
یوں ہر ایک پری اڑتی ہے میرے پیچھے پیچھے
جیسے چاند کے پیچھے پیچھے بھاگے کوئی چکوری


میری امی میٹھے سر میں گاتی ہیں جب لوری
جانے کہاں سے آ جاتی ہیں پریاں گوری گوری
اپنے گھر لے جا کر مجھ کو دیتی ہیں وہ کھلونے
کھانے کو ملتے ہیں مجھ کو طرح طرح کے دونے


جتنی جی چاہے کھاؤں میں جتنی جی چاہے پھینکوں
میرے آگے ہوتی ہے اک شیرینی کی بوری
میری امی میٹھے سر میں گاتی ہیں جب لوری
جانے کہاں سے آ جاتی ہیں پریاں گوری گوری


ساری رات دکھاتی ہیں وہ مجھ کو چاند ستارے
لیکن صبح سے پہلے آ جاتی ہیں میرے دوارے
اور مجھے پہونچا دیتی ہیں پھر اپنے جھولے میں
میرے ہاتھوں میں پکڑا کر خوابوں کی اک ڈوری


میری امی میٹھے سر میں گاتی ہیں جب لوری
جانے کہاں سے آ جاتی ہیں پریاں گوری گوری

مت رو بچے
رو رو کے ابھی
تیری امی کی آنکھ لگی ہے
مت رو بچے


کچھ ہی پہلے
تیرے ابا نے
اپنے غم سے رخصت لی ہے
مت رو بچے


تیرا بھائی
اپنے خواب کی تتلی پیچھے
دور کہیں پردیس گیا ہے
مت رو بچے


تیری باجی کا
ڈولا پرائے دیس گیا ہے
مت رو بچے
تیرے آنگن میں


مردہ سورج نہلا کے گئے ہیں
چندرما دفنا کے گئے ہیں
مت رو بچے
امی ابا باجی بھائی


چاند اور سورج
تو گر روئے گا تو یہ سب
اور بھی تجھ کو رلوائیں گے
تو مسکائے گا تو شاید


سارے اک دن بھیس بدل کر
تجھ سے کھیلنے لوٹ آئیں گے