hum naghma-sarai kaise karen bedad-garon ki mahfil mein aankhon se lahu ka rag bahe to jazb ho kis patthar-dil mein gulshan pe lapakte kaunde ko bulbul ki sada se khush karna gulshan ke muhafiz ki hai khushi shayad barbaadi-e-kaamil mein tum waz-e-mohabbat kya jaano tum ko wo junun kyun hasil ho mushkil hai bahut hi shart-e-wafa nahaq na pado is mushkil mein tannaz hansi masmum nazar ye kaisi faza-e-ulfat hai dekhen is daur ke sham-o-sahar kab tak rahen nargha-e-qatil mein