jab bhi ho mujh ko thakan tum ko dua deti hun ghar ke kaamon mein magan tum ko dua deti hun aisa lagta hai mohabbat ka khuda hai us mein dekhti hun jo gagan tum ko dua deti hun dubte chand ke panw mein madhur saz ho jab dil mein jhanke jo kiran tum ko dua deti hun sochti rahti hun tum ko hi bitha kar dil mein aisi jagi hai lagan tum ko dua deti hun wahshaton ne hi jalaya hai 'diya' tera badan chand jaisa ho ye man tum ko dua deti hun