kabhi dard-ashna tera bhi qalb shadman hoga
kabhi nam-e-khuda tu bhi to ai kam-sin jawan hoga

nahin malum un ki jalwa-gah mein kya saman hoga
nazar jab kaamran hogi to ai dil tu kahan hoga

wahi ek sans madhosh hayat-e-jawedan hoga
jo aah-e-sard ban kar soz-e-gham ka tarjuman hoga

laraz jaenge ye mazlumi dil ke tamashai
agar ye khak ka to wo kabhi aatish-fishan hoga

jo soz-e-dil se muztar ho ke aaega sar mizhgan
to khurshid-e-qayamat mera ashk khun-chakan hoga

sitare ban ke chamkenge dil barbaad ke zarre
ye dil barbaad ho kar bhi dalil-e-karwan hoga