aaj kuchh yun shab-e-tanhai ka afsana chale

aaj kuchh yun shab-e-tanhai ka afsana chale
raushni shama se dil dard se begana chale
shola-dar-shola kisi yaad ke chehre ubhren
mauj-dar-mauj habab-e-rukh-e-jaanana chale
kuchh na go aankh mein be-dard nigahon ke siwa
guftugu saqi-e-dauran se harifana chale
waqt jhume kahin bahke kahin tham jae kahin
khil uthen naqsh-e-qadam yun koi diwana chale
tutne pae na ye silsila-e-gardish-e-dard
dast-dar-dast chhalakta hua paimana chale
This is a great dard bhara afsana shayari. True lovers of apno me begana shayari will love this. Please share if you liked this!!!