aatish-e-ishq sun jo jalta hai

aatish-e-ishq sun jo jalta hai
wo sada misl-e-shama galta hai
tham kyunkar sakun wafur-e-sarishk
bahr-e-dil gham sati ubalta hai
bahr-e-dil mein hai garche gauhar-e-ashk
sadaf-e-chashm sun nikalta hai
roz-e-bad kui rafiq nin kis ka
saya waqt-e-zawal dhalta hai
jab sun raushan hai mujh sukhan ka shama
rashk setin 'siraj' jalta hai
sher 'daud' ka misal-e-khar
hasidon ke jigar mein salta hai
This is a great gauhar and kushal shayari. Please share if you liked this!!!