ai mausam-e-junun ye ajab tarz-e-qatl hai insaniyat ke kheton mein lashon ki fasl hai apne lahu ka rang bhi pahchanti nahin insan ke nasib mein andhon ki nasl hai munsif to faislon ki tijarat mein lag gae ab jaane kis se hum ko taqaza-e-adl hai dushman ka hausla kabhi itna qawi na tha mere tabah hone mein tera bhi dakhl hai ladte bhi hain to pyar se munh modte nahin hum se kahin ziyaada to bachchon mein aql hai tarikh kah rahi hai ki chehra badal gaya insan hai musir ki wahi apni shakl hai dawa-e-khun-baha na tazallum na ehtijaj kis be-nawa-e-waqt ka 'ibrat' ye qatl hai