baiThe-baiThe ek dam se chaunkati hai

baithe-baithe ek dam se chaunkati hai
yaad teri kab dastak de kar aati hai
titli ke jaisi hai meri har khwahish
hath lagane se pahle ud jati hai
mere sajde raaz nahin rahne wale
us ki chaukhat mathe ko chamkati hai
ishq mein jitna bahko utna hi achchha
ye gumrahi manzil tak pahunchati hai
pahli pahli bar ajab sa lagta hai
dhire dhire aadat si ho jati hai
tum us ko bhi samjha kar pachhtaoge
wo bhi mere hi jaisi jazbaati hai