baiThe hain ab to hum bhi bologe tum na jab tak

baithe hain ab to hum bhi bologe tum na jab tak
dekhen to aap hum se na-khush rahenge kab tak
iqrar tha sahar ka aisa hua sabab kya
jo sham hone aai aur wo na aaya ab tak
mahfil mein gul-rukhon ke aaya jo wo pari-ru
ho shakl-e-hairat us ki surat rahe wo sab tak
bosa 'nazir' hum ko dene kaha tha us ne
hum waqt pa ke jis dam lene ki pahunche dhab tak
har chand tha nashe mein wo shokh to bhi us ne
hargiz hamare lab ko aane diya na lab tak
This is a great tere sath rahenge shayari. Please share if you liked this!!!