barbaad-e-mohabbat ki dua sath liye ja

barbaad-e-mohabbat ki dua sath liye ja
tuta hua iqrar-e-wafa sath liye ja
ek dil tha jo pahle hi tujhe saunp diya tha
ye jaan bhi ai jaan-e-ada sath liye ja
tapti hui rahon se tujhe aanch na pahunche
diwanon ke ashkon ki ghata sath liye ja
shamil hai mera khun-e-jigar teri hina mein
ye kam ho to ab khun-e-wafa sath liye ja
hum jurm-e-mohabbat ki saza paenge tanha
jo tujh se hui ho wo khata sath liye ja
This is a great tuta dil shayari in urdu. True lovers of hina anjum shayari will love this. Please share if you liked this!!!