be-qarari si be-qarari hai

be-qarari si be-qarari hai
ab yahi zindagi hamari hai
main ne us ko pichhadna hai miyan
meri sae se jang jari hai
ishq karna bhi lazmi hai magar
mujh pe ghar ki bhi zimmedari hai
pyar hai mujh ko zindagi se bahut
aur tu zindagi se pyari hai
main kabhi khud ko chhodta hi nahin
meri khud se alag si yari hai
shahr ka shahr so gaya 'tabish'
ab mere jagne ki bari hai