dil ko taskin-e-yar le Dubi

dil ko taskin-e-yar le dubi
is chaman ko bahaar le dubi
ashk to pi gae hum un ke huzur
aah-e-be-ikhtiyar le dubi
ishq ke karobar ko aksar
garmi-e-karobar le dubi
haal-e-gham un se bar bar kaha
aur hansi bar bar le dubi
tere har mashware ko ai naseh
aaj phir yaad-e-yar le dubi
chaar din ka hi sath tha lekin
zindagi ai 'khumar' le dubi
This is a great garmi shayari 140 character. True lovers of mashwara shayari will love this. Please share if you liked this!!!