falsafe ishq mein pesh aae sawalon ki tarah

falsafe ishq mein pesh aae sawalon ki tarah
hum pareshan hi rahe apne khayalon ki tarah
shishagar baithe rahe zikr-e-masiha le kar
aur hum tut gae kanch ke pyalon ki tarah
jab bhi anjam-e-mohabbat ne pukara khud ko
waqt ne pesh kiya hum ko misalon ki tarah
zikr jab hoga mohabbat mein tabahi ka kahin
yaad hum aaenge duniya ko hawalon ki tarah
Please share if you liked this!!!