gor mein yaad-e-qad-e-yar ne sone na diya

gor mein yaad-e-qad-e-yar ne sone na diya
fitna-e-hashr ko raftar ne sone na diya
wah ai tala-e-khufta ki shab-e-aish mein bhi
wahm-e-be-khwabi-e-aghyar ne sone na diya
wa rahin surat-e-aghosh sahar tak aankhen
shauq-e-ham-khwabi-e-dildar ne sone na diya
yas se aankh bhi jhapki to tawaqqo se khuli
subh tak wada-e-didar ne sone na diya
tala-e-khufta ki tarif kahan tak kije
panw ko bhi khalish-e-khar ne sone na diya
dard-e-dil se jo kaha nind na aai to kaha
mujh ko kab nargis-e-bimar ne sone na diya
shab-e-hijran ne kaha qissa-e-gesu-e-daraaz
'shefta' ko bhi dil-e-zar ne sone na diya
This is a great wah wah after shayari. Please share if you liked this!!!