humse karte ho bayan ghairon ki yari aan kar

hum se karte ho bayan ghairon ki yari aan kar
rah gai hai aap ki ye dost-dari aan kar
hum ko aane se tumhaari bazm ke kya tha husul
dekh lete the magar surat tumhaari aan kar
ruthne par mere kya lazim tha ho jaana khafa
balki karni thi tumhein khatir hamari aan kar
tan-e-bad-khwahan se tu ik-dam na pawega qarar
ki jo tere dar pe hum ne be-qarari aan kar
tha agarche ghash mein majnun lekin aankhen khul gain
sar pe us ke jis ghadi laila pukari aan kar
jis jigar-kushta ka tere lasha tha khun mein pada
khub sa roya wahan abr-e-bahaari aan kar
main bhi kya bargashta-talea hun ki 'tanha' raat ko
phir gai dur tak mere us ki sawari aan kar
This is a great yaari shayari in punjabi font. True lovers of ruthne manane wali shayari will love this. Shayari is the most beautiful way to express yourself and this bihari shayari video is truly a work of art. Please share if you liked this!!!