Is Se Pehle Ke

Is Se Pehle Ke


Is Se Pehle Ke Bewafa Ho Jayein

Kyun Na Ay Dost Hum Judaa Ho Jayein


Tu Bhi Heere Se Ban Gaya Patthar

Hum Bhi Kal Jaane Kya Se Kya Ho Jayein


Hum Bhi Majbooriyon Ka Uzar Karein

Phir Kahein Aur Mubtila Ho Jayein


Ab Ke Gar Tu Mile To Hum Tujhse

Aise Liptein Teri Qabaa Ho Jayein


Bandagi Hum Ne Chhod Di Hai Faraz

Kya Karein Jab Log Khudaa Ho Jayein!
This is a great heere ki parakh shayari. True lovers of pehle pyaar shayari will love this. Please share if you liked this!!!