Saanson Ki Hararat Se

Saanson Ki Hararat Se


Saanson Ki Hararat Se Pighal Jaanay Ka Mausam

Aaya Hai Teri Aanch Mein Jal Jaanay Ka Mausam


Ham Ko Nahi Maloom Tha Ishq Ka Aaghaaz

Yaadon Mein Kahin Door Nikal Jaanay Ka Mausam


Lagta Hai Ki Chehre Pe Tere Theher Gaya Hai

Yak Lakht Kayi Rang Badal Jaanay Ka Mausam


Aey Sheher Tasalli Tere Mashkoor Hain Ham

Aaya Hee Nahi Dil Ke Sambhal Jaanay Ka Mausam


Ye Sheher-e-Tamanna Bhi Anokha Hai Ki Is Par

Barsaat Mein Bhi Rehta Hai Thal Jaanay Ka Mausam


Chehre Pe Agar Hai Mere Subaah Ka Ujaala

Aankhon Mein Magar Shaam Ke Dhal Jaanay Ka Mausam!
This is a great saanson ko shayari. True lovers of bachpan ki shararat shayari will love this. Please share if you liked this!!!