yun dekhne ko dekhte rahte hain KHwab log

yun dekhne ko dekhte rahte hain khwab log
rakhte hain roz-o-shab ka bhi lekin hisab log
ek rose zindagi ne kiya tha koi sawal
kya jaane kab se dhund rahe hain jawab log
har chehra-e-sawal se karte ho khud sawal
tum log bhi ho shahr mein kya la-jawab log
har aasman ko apni zamin tak utar lae
kya kya na kar guzarte hain khana-kharab log