aankhon mein chubh rahi hai guzarti ruton ki dhup jalwa dikhae ab to nae mausamon ki dhup sham-e-firaq guzre to suraj tulua ho dil chahta hai phir se wahi qurbaton ki dhup is mein tamazaten bhi sahi shiddaten to hain ulfat ki chhanw se hai bhali nafraton ki dhup main us ke waste hun bahaaron ki chandni us ka wajud mere liye sardiyon ki dhup mahrumi-e-visal hai 'nasir' mujhe qubul is par magar pade na kabhi gardishon ki dhup