ab ishq tamasha mujhe dikhlae hai kuchh aur
kahta hun kuchh aur munh se nikal jae hai kuchh aur
naseh ki himaqat to zara dekhiyo yaro
samjha hun main kuchh aur mujhe samjhae hai kuchh aur
kya dida-e-khun-bar se nisbat hai ki ye abr
barsae hai kuchh aur wo barsae kuchh aur
rone de, hansa mujh ko na hamdam ki tujhe ab
kuchh aur hi bhata hai mujhe bhae kuchh aur
paigham-bar aaya hai ye ausan ganwae
puchhun hun main kuchh aur mujhe batlae hai kuchh aur
'jurat' ki tarah mere hawas ab nahin bar ja
kahta hun kuchh aur munh se nikal jae hai kuchh aur