afsurdagi aazurdagi pazhmurdagi be-kar hai
us pe hai jis ka tawakkul khush hai beda par hai

hausla ho azm ho mehnat ho aur ummid-war
aur kuchh us ke siwa kya zist mein darkar hai

jis ne samjha zindagi ko jang hai wo kaamyab
qabil-e-tahsin hai wo jo bar-sar-e-paikar hai

lanten aur zillaten ruswaiyan nakaamiyan
us ki qismat mein hai jo ki zist se bezar hai

jis ki khushiyon ka sada 'hassan' ne rakkha khayal
aaj meri jaan ke wo darpai aazar hai