agar sabit-qadam ho ishq mein jiyun shama jal sakiye muqabil tund-khu ki tegh-e-abru ke sambhal sakiye hamare ashk-e-khunin ne hinai rang laya hai are dil us ke panw par ye aankhen ab to mal sakiye palak se jis tarah aansu guzar jata hai ek pal mein siraat upar khuda ka fazl shamil ho to chal sakiye nikalna said ka sayyaad ke phande se mushkil hai nahin aasan ai dil dam-e-duniya se nikal sakiye lagi jab shama ki si tarah aatish ishq ke sar ko tasawwur shola-ru ka bandh kar jal jal pighal sakiye