apne andar utar raha hun main
dhire dhire sudhar raha hun main

nur-o-zulmat mein imtiyaz nahin
is kunen mein utar raha hun main

jis ko dekho chura raha hai nigah
kis gali se guzar raha hun main

khud ko ek din sametna bhi hai
aaj-kal to bikhar raha hun main

chhoda andesha-ha-e-dur-daraaz
ji raha hun ki mar raha hun main

jaanta hun main har qadam us ka
muddaton ham-safar raha hun main

sare chehre hain ye to anjaane
mehman kis ke ghar raha hun main