aur kitna abhi parhez kiya jaega
in charaghon ko kabhi tez kiya jaega

hum tere rang mein rang jaenge ya phir hum ko
aap hi ki tarah rang-rez kiya jaega

hum khade ho gae hain haq ke tahaffuz ke liye
hum se ab jaan ke parhez kiya jaega

zulm sah ke bhi baghawat nahin ki hai hum ne
zalimon ko abhi changez kiya jaega

pahle hi tut chuka ghar ka tasawwur 'rahi'
aur kitna hamein angrez kiya jaega