bas saliqe se zara barbaad hona hai tumhein is kharabe mein agar aabaad hona hai tumhein aashna tahzib-e-khamoshi se hona shart hai dosto gar waqai fariyaad hona hai tumhein wasl ki saat tumhaare qurb se mujh par khula ek na ek din hijr ki miad hona hai tumhein ishq karte waqt mere zehn mein hargiz na tha shaeri mein is tarah ijad hona hai tumhein main khuda ke faisle se khush hun ye bhi lutf hai meri na-tamir ki buniyaad hona hai tumhein