bujhti mashal ki iltija jaise
log hum ko mile hawa jaise

koi insan nazar nahin aata
har bashar ho gaya khuda jaise

hath kashkol ki tarah pae
lab mile hum ko iltija jaise

kar diya hai khuda-e-wahid ne
band hum par dar-e-dua jaise

gard-alud aise sochen hain
koi ehsas ho khafa jaise

akasr auqat aise kaam kiye
hum ne maon ki bad-dua jaise

aise lagta hai un se apna 'nabil'
tut jaega rabta jaise