chand ka khwab ujalon ki nazar lagta hai tu jidhar ho ke guzar jae khabar lagta hai us ki yaadon ne uga rakkhe hain suraj itne sham ka waqt bhi aae to sahar lagta hai ek manzar pe thaharne nahin deti fitrat umr bhar aankh ki qismat mein safar lagta hai main nazar bhar ke tere jism ko jab dekhta hun pahli barish mein nahaya sa shajar lagta hai be-sahaara tha bahut pyar koi puchhta kya tu ne kandhe pe jagah di hai to sar lagta hai teri qurbat ke ye lamhe use ras aaen kya subh hone ka jise sham se dar lagta hai