dard jab se dil-nashin hai ishq hai is makan mein kuchh nahin hai ishq hai dekh dasht-e-yaad ka eajaz dekh main kahin hun tu kahin hai ishq hai thak ke baitha hun jo kunj-e-zat mein mehrban koi nahin hai ishq hai jo azal se hijrati hain ashk hain jo in ashkon mein makin hai ishq hai ai sarab-e-jabr-o-istibdad sun ye jo pyason ka yaqin hai ishq hai kal jahan diwar hi diwar thi ab wahan dar hai jabin hai ishq hai khwab hi mein dekh le tabir-e-khwab kaun aisa pesh-bin hai ishq hai jite-ji dushwar kitna tha safar ab na duniya hai na din hai ishq hai ranj-o-gham ki surmai chadar 'taqi' jab se baala-e-zamin hai ishq hai