Dil Ke Dariya Ko

Dil Ke Dariya Ko



Dil Ke Dariya Ko Kisi Roz Utar Jana Hai

Itna Besimt Na Chal Laut Ke Ghar Jana Hai



Uss Tak Aati Hai To Har Cheez Thehar Jati Hai

Jaise Pana Hi Use Asal Mein Mar Jana Hai



Bol Ai Sham-e-Safar Rang-e-Rihai Kya Hai

Dil Ko Rukna Hai Ki Taron Mein Thehar Jana Hai



Kaun Ubharte Hue Mehtab Ka Raasta Roke

Uss Ko Har Taur Su-e-Dasht-e-Sehar Jana Hai



Main Khila Hun To Isi Khak Mein Milna Hai Mujhe

Wo To Khushbu Hai Use Agle Nagar Jana Hai



Wo Tere Husn Ka Jadu Ho Ki Mera Gum-e-Dil

Har Musafir Ko Isi Ghat Utar Jana Hai!
Please share if you liked this!!!