dil ke kaghaz par likha hai tera nam
chain milta hai padhun jab subh-o-sham

kya khabar thi ishq bhi ek rog hai
warna kafir dil ko de deti lagam

zindagi bhar zindagi kab kar saki
zindagi mere liye thi jaise lam

sar pe sauda-e-junun jab ho sawar
sujhta aise mein phir kya koi kaam

honi anhoni nahin hoti kabhi
honi hoti hai bahut hi be-lagam

barkaten harakat mein muzmar hain bahut
karte rahna chahiye insan ko kaam

ai 'munawar' dil ko qabu mein rakho
rah na paogi wagarna nek nam