ek wazifa hai kisi dard ka dohraya hua
jis ki zad mein hai pahadon ka dhuan aaya hua

ye tere ishq ki miqat ye honi ki ada
dhup ke shishe mein ek khwab sa phailaya hua

bandh lete hain girah mein usi manzar ki dhanak
hum ne mehman ko kuchh der hai thahraya hua

tairo abr-o-hawa bhi hain isi uljhan mein
kaise do honton ne ek bagh hai dahkaya hua

chhed hain umr ki poshak pe tanhai ke
khushnuma qariyon mein hun aap se uktaya hua

raat aati hai to rakh deti hai phaha dil par
warna is dasht ka har ped hai zakhmaya hua

haddiyan jod ke tartib se us ne 'amir'
khwab ka lattha hai is ruh ko pahnaya hua