ek wo bhi din the tujh se mera rabta na tha
sanjidgi se tere liye sochta na tha

nafrat mili to zom-e-wafa tut tut kar
bikhra kuchh is tarah ki koi wasta na tha

kamre mein phailti hi gai raushni ki lahr
kirnon ka jal tha ki kahin tutta na tha

dekha tujhe to chand bhi pedon mein chhup gaya
waise to shahr bhar mein koi chand sa na tha

wo apni zat mein hi muqayyad raha 'niyaz'
sab dekhte the us ko koi dhundhta na tha