faisla mumkin hai yun munsif agar aadil na ho
qatl to hote rahen sabit koi qatil na ho

mushkilen aasan na hon meri to mujh ko gham nahin
par jo hai aasan kam az kam wo to ab mushkil na ho

dafn hain daftar ki file mein hazaron masale
aisa lagta hai ki jaise qabr ho file na ho

khatm hone ko safar hai sath chhuta jae hai
chahta hai dil mera manzil abhi hasil na ho

ishq hai aisa safar jis ki koi manzil nahin
yani ek kashti ki jis ke waste sahil na ho