guzra udasiyon mein hi jiwan tamam hai
lab par hamare phir bhi tumhaara hi nam hai

tere baghair hum se hai mausam khafa khafa
khamoshiyon ko odhe hue baithi sham hai

majburiyon ki jail mein hai qaid wo kahin
warna to mere pyar ko karta salam hai

tere siwae dil mein kisi ka guzar nahin
yaadon ne teri aisa kiya intizam hai

ashkon ki raushnai se main ne hai jo likha
chhaya har ek dil pe 'sikhar' wo kalam hai