hansi un ki gul aur chaman jaante hain ye lab muskurane ka fan jaante hain nae log ho tum nai baat jaano mera haal ahal-e-kuhan jaante hain mubarak ho tum ko hisar-e-khamoshi zaban wale tarz-e-sukhan jaante hain lahu ke jo qatre bahae hain main ne mere jism ke pairahan jaante hain tum hi sahab-e-saltanat to nahin ho hukumat ke hum bhi chalan jaante hain shab-o-roz mere guzarte hain kaise 'asad' ye to ahl-e-watan jaante hain