har gam zindagi mein ajab sanehe hue
apne parae jaanchne ke tajarbe hue

ek diary purani mere hath kya lagi
yaadon ke zard ped yakayak hare hue

ai dil sambhaal zabt ki pushte laraz uthe
ankhon se bah na jaen ye dariya ruke hue

aankhon mein dekh shahr-e-khamoshan ka sa sukut
palkon pe dekh gham ke fasane likhe hue

'bilqis' ek charagh sar-e-rah kya rakha
basti ke har makan hi mein tabsire hue