hur kah rahe hain aag se maula nikal den
aasi hun mera nam shahidon mein dal den

maqtal mein al-aman ka hai ab shor chaar-su
mujh ko sakhi ye tir kaman aur dhaal den

aal-e-nabi bhi naz kare us ke bakht par
apna wo jis ke waste bibi rumal den

aansu baha ke hazrat-e-hur ne yahi kaha
abbas-e-ba-wafa mujhe auj-e-kamal den

likhta hai ye qaside shab-o-roz aap ke
maula 'sahar' ke fan ko sanad la-zawal den