iqrar hi ke sath ye inkar abhi se dil todte ho kyon mera paiman-shikani se har ek ko hai ab uns usi but ki gali se viran huin masjiden sune hain kalise bosa hi mujhe do jo nahin wasl pe raazi achchha hai wahi kaam jo ho jae khushi se waiz jo pata khuld ka puchhe to bata dun jannat ki taraf jate hain us but ki gali se baz aao buto apni jafaon se khuda-ra todo na mera shisha-e-dil tang-dili se tum aaj zarur aaoge lekin ye bata do sachcha koi iqrar kiya bhi hai kisi se pura kare allah mere dil ka irada mar kar bhi na utthun but-e-kafir ki gali se waiz ye baraste hue baadal ye ghataen main bach nahin sakta kabhi tauba-shikani se main kis se 'fahim' aur kahun haal-e-gham apna allah hai aagah mere dard-e-dili se