jaan-e-be-tab ajab tere thikane nikle
barish-e-sang mein sab aaina-khane nikle

sab bade zoam se aae the nae surat-gar
sab ke daman se wahi khwab purane nikle

raat har wada-o-paiman amar lagta tha
subh ke sath kai uzr bahane nikle

ai kisi aate hue zinda zamane ke khayal
hum tere raste mein palken bichhane nikle

kasa-e-dard liye kab se khade sochte hain
dast-e-imkan se kya chiz na jaane nikle

harf-e-inkar sar-e-bazm kaha main ne 'zafar'
lakh andeshe mere dil ko darane nikle