jab ki nazar talash fareb-e-nazar mila
dad-e-hunar ke nam pe zakhm-e-hunar mila

khud apne sar pe apni saliben utha chalo
aawargan-e-shahr ko kar-e-digar mila

inam qad ki nash-o-numa se mukar gaya
dastar to mili hai magar kis ko sar mila

tum mil sake na tark-e-talluq ke baad phir
yaadon ka ek hujum mujhe umr bhar mila

mere dil-e-tabah ne sau sau jatan kiye
jo nuskha-wafa bhi mila be-asar mila

tum jis qadar ghurur se nashsha-ba-sar mile
han itne hi khulus se main sar-ba-sar mila