jazba-e-ishq ka izhaar na hone pae husn ruswa sar-e-bazar na hone pae muddaton mahfil-e-saqi mein rahe hain lekin jam chhune ke gunahgar na hone pae bazm-e-ahbab mein aaya hun magar dar ye hai koi fitna pas-e-diwar na hone pae aao tamir karen aisa mohabbat ka makan waqt ke hathon jo mismar na hone pae jin ke sinon mein mohabbat ki kiran thi 'anjum' khwahishon mein wo giraftar na hone pae