jinnon aazmana pada zindagi mein
sabhi kuchh nibhana pada zindagi mein

sahi jis pe baithe na sur-tal mere
wo naghma bhi gana pada zindagi mein

na dastar jae isi zid mein hum ko
bahut kuchh ganwana pada zindagi mein

jo bekar baaton pe ruthe the hum se
unhen bhi manana pada zindagi mein

mile hum ko kuchh log aise bhi jin se
swayanm ko bachana pada zindagi mein

wo gahrai mein kitne utre hain dil ki
sabhi se chhupana pada zindagi mein

rahe aise haalat bachpan se jin mein
'asar' khud kamana pada zindagi mein