jo dahr ki nazar mein khudawand-e-hosh hai
is intiha-e-zulm pe wo bhi khamosh hai

sahra ki manzilon se pare hai wo lala-zar
parde mein jis ki rut ke koi mai-farosh hai

tahzib ustuwar ki khwahish ki rah mein
nam-e-digar hayat ka josh-o-kharosh hai

kal tu sunega zulm se mera mukalima
apna jahan aaj hi muhtaj-e-gosh hai

insan pukarta hai koi inqalab aae
patthar ki baat aur hai patthar khamosh hai