jo tha har aan mubtala mera
wo bhi samjha na majra mera

hai mohabbat mein kuchh hawas pinhan
tu na kariyo kabhi kaha mera

tere nazdik rah ke bhi tujh se
kam hi kam wasta raha mera

sab se awwal hai baat gadhne mein
hae zalim muashra mera

itna viran tha main andar se
mujh mein man hi nahin laga mera

kash tu dhup ki sadak hoti
aks phir tujh pe daudta mera

mukhtalif hai khuda zamane ke
jaane ho kaun sa khuda mera

kaun 'afi' bune mujhe phir se
hath aata nahin sira mera