jo tujhe aur mujhe ek kar saka nahin
wo tera khuda nahin wo mera khuda nahin

zindagi mili kabhi to gila karenge par
zindagi mili nahin to gila kiya nahin

main jo is dayar mein ab talak nahin mara
kya mera koi aziz ab yahan bacha nahin

jis ke ehtiram mein sar kata diya gaya
us ko to khabar nahin us ko to pata nahin

khud se dur ho gae chur chur ho gae
rassi jal gai magar us ka bal gaya nahin

zakhm ki nazakaton ko nahin samajh saka
tu 'waqar'-khan hai jaun-elia nahin