kahan kisi ki nazar hai teri nazar ki tarah
jo kaam dil ka bhi karti chale jigar ki tarah

bahut se aise bhi duniya mein log milte hain
jo ba-khabar hain magar hain wo be-khabar ki tarah

ye barbariyat-o-wahshat ye aag aur ye dhuan
bashar ko rahna bhi mushkil hai ab bashar ki tarah

asir-e-hur hain waiz ab un ki kaun sune
kahani aap ki hai tul-e-mukhtasar ki tarah

barasne ko to barasta hai abr-e-naisan bhi
magar baras na saka meri chashm-e-tar ki tarah

na jaane kaun se aalam mein gum hua 'asi'
na ba-khabar ki tarah hai na be-khabar ki tarah