kaise kahen dar-ba-dar nahin hum ghar mein bhi hain aur ghar nahin hum jo rah mein sath chhod jaen aison ke to ham-safar nahin hum apnon ki koi khabar na rakkhen itne bhi to be-khabar nahin hum uth jae kab apna aab-o-dana insan hain koi khizar nahin hum dekhen na utha ke aankh us ko aise bhi to kam-nazar nahin hum sach hai ki khuda ke ru-ba-ru bhi sharminda khataon par nahin hum har an-kahi baat sun rahe hain diwar hain koi dar nahin hum